Sevgi Nədir?
Sevgi
həyatın özəyi, yaradılış səbəbidir. Dahi Mahatma Qandinin də dediyi kimi: “Sevginin
olduğu yerdə həyat vardır. Yəni həyatı həyat edən sevgidir. ” Sevgini həyatın hər
yerində, hər anında görə bilərsiniz. Həyatımızı daha dəyərli və mənalı edən də
sevgidir.
Sevgi
gözəl olan duyğuların ən gözəlidir. Həyatımıza gözəllik qatan...
Bütün
yaxşılıqlar sevgidən, bütün pisliklər sevgisizlikdən doğur. Dahi Dostoyevskinin
dediyi kimi: Cəhənnəm insan ürəyində sevginin bitdiyi yerdir.
Sevgi hər bir canlının mənəvi ehtiyacdır. Bir
dahinin söylədiyi kimi: ”Sevgisiz həyat, susuz ağaca bənzər.” Həyatı daha yaxşı
anlamağın əsas yolu sevgini anlamaqdır. Sevgini anlamağın yoluysa sevmək və
sevilməkdir.
Sevgi
həm də ilahi bir gücdür. İnsana cəsarət, inam və sevinc bəxş edən bir güc...Bütün
pozitiv duyğular, insani davranışlar – mərhəmət, hörmət, vicdan, sədaqət və s. onun meyvəsidir.
O həm
də bizi paklığa və kamilliyə götürən ən ali duyğudur.
Sevgi
möcüzələr yaradan möcüzədir. Təəssüf ki, bir çox insan həyatı boyunca bu möcüzəni
yaşamadan keçir.
İnsan
olmağın yolu sevməkdən və öyrənməkdən keçir. Yəni sahib olduğumuz sevgi və bilgidir bizi insan
edən...Və sevgidən uzaqlaşmaq demək, insanlıqdan uzaqlaşmaq deməkdir.
Səbəbin
olduğu yerdə sevgi olmaz. Çünki gerçək sevgi səbəbsiz sevməkdir.
Doğulduğumuz
ilk anda etibarən danışmağı və düşünməyi bacarmasaq belə sevməyi bacarır,
onunla birlikdə böyüyürük. Böyüdükcə isə
sevgi bir çox insanın içində kiçilir.
Sevgi
tarix boyu bir çox böyük insanın, bir çox böyük işin ilham mənbəyi olmuşdur. Yəni sevgi inkişafın təməlidir. Sevginin
olduğu yerdə sənət vardır, ədəbiyyat və əbədiyyət vardır. Sevginin olmadığı yerdə isə ölüm, tənəzzül və
pislik vardır.
Sevgi
bəlkə də yalanlarla dolu bu dünyanın tək gerçəyidir. Gəlin birgə bu sevgini
yaşayaq və yaşadaq.